Kerala Piravi Celebration Mammutty Mohanlal Viral Video : കേരളം ഇന്ന് അതിന്റെ ജന്മദിനം ആഘോഷിക്കുമ്പോൾ കേരളിയ തനിമയെയും മാതൃകകളെയും ലോകത്തിനു മുൻപിൽ തുറന്നുകാട്ടുന്ന കേരളീയം 2023 ന് തിരുവനന്തപുരത്ത് തുടക്കം കുറിച്ചു. ഇന്ന് രാവിലെ ആരംഭിച്ച പരിപാടിയുടെ ഉദ്ഘാടന ചടങ്ങിൽ കമൽഹാസൻ, മമ്മൂട്ടി, മോഹൻലാൽ, ശോഭന തുടങ്ങിയ സീരിയൽ താരങ്ങളും ഇവർക്ക് പുറമേ രാഷ്ട്രീയ സാമൂഹിക രംഗത്തെ മുതിർന്ന നേതാക്കളും പ്രശസ്തരും പങ്കെടുക്കുകയുണ്ടായി.

എല്ലാവരും കേരളീയ തനിമയെയും കേരളത്തിൻറെ പൈതൃകത്തെയും വിളിച്ചോതുന്ന വാക്കുകൾ ആണ് ഉദ്ഘാടന വേദിയിൽ പറഞ്ഞത്. അതിൽ മമ്മൂട്ടിയുടെ പ്രസംഗം ആണ് ഏറ്റവും കൂടുതൽ ആളുകളെ ആകർഷിച്ചത്. മുൻകൂർ തയ്യാറാക്കിയ പ്രസംഗക്കുറിപ്പിന്റെ ഒന്നും അകമ്പടിയില്ലാതെയാണ് താരം ഉദ്ഘാടന വേദിയിലേക്ക് എത്തിയതും.

സ്പീക്കറാണ് തൻറെ അടുത്തിരുന്നതെന്നും സ്പീക്കറിന്റെ വാക്കുകൾക്ക് പിഴവ് സംഭവിച്ചാൽ അത് രേഖകളിൽ നിന്ന് ഒഴിവാക്കാൻ കഴിയും എന്നും എന്നാൽ തനിക്ക് ഒരു വാക്ക് പിഴവ് സംഭവിച്ചാൽ അത് ഒരിക്കലും തിരുത്താൻ കഴിയില്ലെന്നും പറഞ്ഞുകൊണ്ടാണ് മമ്മൂട്ടി അദ്ദേഹത്തിന്റെ നാടിനെ പറ്റിയുള്ള കാഴ്ചപ്പാടുകൾ വ്യക്തമാക്കിയത്. കേരളീയം എന്നത് മഹത്തായ ഒരു ആശയത്തിന്റെ തുടക്കമാണെന്നും ലോകസാഹോദര്യത്തിന്റെ വികാരമായി അത് മാറട്ടെ എന്ന് ആഗ്രഹിക്കുന്നുവെന്നും അദ്ദേഹം പറഞ്ഞു.

ഇതുവരെ കണ്ട സ്വപ്നങ്ങൾക്ക് പിന്നാലെ ഇനിയുള്ള സ്വപ്നങ്ങളും ഒന്നിച്ച് കാണാം എന്ന് പറഞ്ഞു കൊണ്ടാണ് അദ്ദേഹം തന്റെ വാക്കുകൾ അവസാനിപ്പിച്ചത്. കവടിയാർ മുതൽ കിഴക്കേകോട്ട വരെ 42 വേദികളിലായി അരങ്ങേറുന്ന കേരളീയം നവംബർ 2 മുതൽ 6 വരെ രാവിലെ സെമിനാറുകളോടെയാണ് നടക്കുക. എല്ലാ ദിവസവും വൈകുന്നേരം 6 മുതൽ കലാപരിപാടികളും രാവിലെ 10 മുതൽ വൈകുന്നേരം 10 വരെ എക്സിബിഷൻ, ഭക്ഷ്യമേളകൾ എന്നിവയും കേരളീയം വേദികളിൽ ഉണ്ടാകും.